Nasi Ayam Penyet

aH Deh!

Baka enda nyebut menu tu ba jaku kitai Iban?

Anang ngeluka pala, empa aja nama bisi.

Enda ibuh kiruhka nama ia.

Nyamai manuk tu, lembut isi ia.

Tang meh sos ia angat / pedas naka ia.

 



Ice Lemon Tea Laici

Maya ka ngepos gambar tu, lama aku ngenung.

Ukai nama, enda ingat nama bansa ai tu.

haha...

Enti enda salah ingat aku, tu meh Ice Lemon tea Laici.

Dah majak berinsur tuai meh nya, enda pia?

Nyamai ai tu diirup kelebih agi enti maya hari panas.

Ka nyepi ai tu?

Aram kitu meh, lagi spons hehe....

Kuey Tiaw Goreng

Lai...lai...lai...

Makai nyamai kitai.

Tu meh kuey tiaw goreng menua Saratok.

Enda ngutuk abis semangkuk.

Enda berasai abis sepinggai.

 

Mi Kolok Versi Bau

Haa... Tu meh Mi Kolok Merah menua Bau.

Bula nusui, enti semangkuk sigi agi belala haha...

Bisi dagin mirah, dagin pepat & sayur.

Rega pan umbas ia, mina RM2.80.

Enti deka nyepi penyamai mi tu, datai meh nemuai ngagai pasar Bau

sambil-sambil bejalai ngagai Tasik Biru.

Maya pulai ari Serikin tau meh ngetu makai mi kolok ditu.

 

 

 

Nasi Goreng Kampung

Haha... anang enda arap, tu meh gaya menu asi girau menua ulu asil ai jari aku.

Taja numbas ia gamal tang penyamai sigi bulih tahan.

Haaa... dulu muji diri sebedau orang muji kitai.

Ikan pusu girau belacan tambah chabi padi pergh...!

Nandos

Enggai ke enda nyepi makai ba Nandos ke dipelandikka orang ba nengeri.

Sempat ga kami menyanak ngindik kaki kia.

Ka ngumbai badu kia, enggai ka bula ga.

Tang naka ke setaun tu, kira ke enda.

Udah tepantup tenguk hehe...

Udah ensepi pama meh.

Mi Kolok [Merah]

Huhu... Tu meh gamal mi kolok mirah menua Lubok Antu.

Lebuh pulai ari Kuching, sempat kami menyanak limpang ngagai pasar Lubuk Antu.

Nya meh keterubah ngindik pasar LA taja udah beratus kali mansa simpang.

 

Terubah ia dianjung ke orang mangkuk mi, tekenyit asai anak ati meda mi tak 'kusung' nadai utai champur.

Udah nya baru dianjungka orang mangkuk sup enggau isi ia.

Dalam ati, sigi baka orang ditu ngenahka mi kolok?

Ba kedai bukai enda ga aku nemu laban ke baru datai dia.

Ila ga nguji ba kedai bukai.

Dah ki ni!

Negu dulu hehe...

Mi Hong Kong

Hah!

Enda ibuh jauh ti nyera deka makai Mi Hong Kong.

Enda ibuh ngiruh diri nambang bilun ngagai menua Hong Kong.

Datai aja ngagai pasar Saratok.

Ba kedai semak tebing ai betunga enggau Masjid [kedai Cino tang orang Melayu muka stall dia],

nyamai amat mi panduk Melayu nya.

Sigi kembai anak buah lemba udah nya.

 

Sup Wantan [Mi Gulung]

Tu wantan sup a.k.a mi gulung panduk adi ipar aku.

Nyamai wai, enda bula nyamai.

Taja gamal numbas, tang penyamai nadai endur mantah.

Tau muka kedai makai haha...

Nasi Bubur Ayam Halia Goreng

Anang enda arap, tu meh asi bubur panduk aku maya ke telebih bagas.

Manuk guring anang kurang.

Lalu digirau mega chabi sayur, pusu enggau lia.

Entua mansa sigi enda tetanyaka.

Ti deka nemu resipi tau email aku hua...hua...hua...

Mi Kolok Burak

Lebuh mansang ke Mukah ari nya, sempat kami menyanak ngetu merarau ba pasar Selangau.

Mesan mi kolok, datai peda tak mi kolok burak [ kenu ka ati deka makai mi kolok mirah].

Laban ke enda ingat nyebut mi kolok mirah, ka enda pan empa meh ke burak nya.

Boleh tahan ga asai ia.

Ni enda asai mi kolok mirah pasar Selangau?

 

Sungkui

Tu kumbai kami menua sungkui.

Ba menua tauka ai bukai nyangka lain ga nama ia.

Jarang amat nemu pemakai tu.

Tepantup amat tenguk udah meli ba pasar tamu Saratok.

Nya pan baru sekali nya tetemuka orang nyual sungkui.

Nasi Paprik Seafood

Akai dai...

Tu meh antara pemakai ke chukup dikedeka ke nyawa aku.

 Enti nemuai ke Sarikei, sigi bedau datai ba Sarikei enti bedau nyepi asi tu.

Enti enda nguda asi paprika seafood, asi paprik manuk ga uda tudah pangan.

Chukup ngam ba nyawa.

Nyawa sigi pama enti dibai makai.

Enda berasai peluh tungkul idung hehe...

Mi Goreng Basah

Tu gamal mi guring basah menua Saratok.

Nyamai wai, mali bula.

Udah ga sabis ba kedai nya laju.

Bula munyi nusui, tak enda kala nganti lebih lima minit,

pemakai ke di uda sigi udah datai.

Ti ke nama ai, apin bulih seminit udah dienahka Cina ba mija.

Sambal Petai Rangkai

Nama pemakai tu sambal petai rangkai, tang nadai meda sambal ia.

Haha...

Nama deh sambal petai rangkai, ni enda rangkai gaya dipeda.

Tambah belacan, tesar @ udang kering, chabi & belacan, lalu nyadi meh ia...

Bula enda ngauk dua kali hehe...